MYNDATÖKUR

Tannréttingameðferð kallar á margs konar gagnatöku á hinum ýmsu stigum meðferðarinnar. Til dæmis eru röntgenmyndir teknar bæði í upphafi og við lok meðferðar, en einnig til að fylgjast með gangi meðferðar og heilbrigði tanna, róta og beins. Ljósmyndir eru teknar í upphafi og við lok meðferðar og oftar ef þurfa þykir.

KJÁLKABREIÐMYND

Kjálkabreiðmynd gefur góða yfirsýn yfir stöðu tanna í kjálkabeininu og ástand róta og beins. Þessi mynd er alltaf tekin við upphaf og lok meðferðar en einnig reglulega á meðferðartímanum

HLIÐARRÖNTGENMYND

Á þessari mynd má meðal annars greina kjálkaafstöðu og halla framtanna í beini. Hún er tekin við upphaf og lok meðferðar og eftir þörum á meðferðartímanum.

ÞRÍVÍDDARMÁT

Tennur, tannhold og bit er skannað með sérstökum skanna og þrívítt tölvulíkan gert af tönnunum. Þessi tækni kemur í stað máttöku sem áður þurfti til og er mun þægilegri. Þetta er gert við upphaf og lok meðferðar.

LJÓSMYNDATAKA

Ljósmyndir af andliti, tönnum og biti eru teknar við upphaf og lok meðferðar.

ÞRÍVÍDDARRÖNTGENMYND

Í sumum tilvikum þarf að taka sérhæfðar tölvusneiðmyndir. Notast er við CBCT tækni sem felur í sér töluvert minni geislun en hefbundin sneiðmyndataka.

HANDRÖNTGENMYND

Til að meta vöxt eru stundum teknar röntgenmyndir af höndum. Þetta á sérstaklega við þegar verið er að fylgjast með hvenær vexti lýkur áður en gerðar eru kjálkaaðgerðir.

Myndatökur: Articles & Resources